«Altaı» voleıbol klýby qatarynan altynshy ret el kýbogyn utyp aldy
ASTANA. QazAqparat – Petropavl qalasyndaǵy «Qýanysh» sport kesheninde voleıboldan áıelder komandalary arasynda Qazaqstan kýbogynyń oıyndary máresine jetti, dep habarlaıdy QazAqparat tilshisi.
Fınalda osyǵan deıin qatarynan bes márte kýbokty jeńip alǵan Óskemenniń «Altaıy» men Azııa klýbtyq chempıony «Qýanysh» (Petropavl) komandasy bas júldeni sarapqa saldy.
Jańa maýsym qarsańynda qos komanda quramynda biraz ózgerister boldy. «Altaıdyń» tizginin ataqty reseılik voleıbolshy ıÝrıı Panchenko aldy. Al serbııalyq maman, Qazaqstan quramasynyń bas bapkeri Darko Dobreskov jattyqtyratyn «Qýanysh» sapyna da jańadan oıynshylar keldi.
Kýbok úshin basty básekede komanda kapıtany, Oral voleıbolynyń túlegi Sana Anarqulova bastaǵan óskemendikter alǵashqy eki partııada 25:15 esebimen ońaı jeńdi. Budan keıin qyzyljarlyqtar 25:21 esebimen ese qaıyrǵanymen, tórtinshi sette «Altaıdy» toqtata almady – 18:25. Qorytyndy esep: 3:1 «Altaıdyń» paıdasynda.
Osylaısha, óskemendikter el kýbogyn qatarynan altynshy ret oljalady. «Qýanysh» alǵash ret kúmispen kúptelse, sońǵy jyldary «Altaıǵa» únemi basty qarsylas bolyp kelgen Taldyqorǵannyń «Jetisý» komandasy bul joly qola júldeni qanaǵat tutty.
Endi alda Ulttyq lıga oıyndary tur.
Eske sala keteıik, budan buryn «Altaıdyń» alty dúrkin el chempıony atanǵanyn jazǵan bolatynbyz.
