Altaı taýyndaǵy ilbistiń alǵashqy vıdeosy jarııalandy
ALTAI. QazAqparat – Altaı taýynyń Qazaqstan bóligindegi ilbistiń (Panthera uncia) alǵashqy vıdeosy «Katonqaraǵaı» ulttyq tabıǵı parkiniń jelidegi paraqshasynda jarııalandy, dep habarlaıdy QazAqparat.
«2020 jyldyń qarasha aıynda Arshaty ormanshylyǵynyń aýmaǵynda ormanshy J.Amanbaev jáne memlekettik ınspektor - M.Omarov pen M.Arabaev fototuzaq ornatyp, onyń kómegimen qar barysynyń erekshe beınekadry túsirildi. 2020 jáne 2021 jyldardaǵy birneshe beınerolık bul ádemi jyrtqyshtyń ártúrli qyrynan túsirdi. Fototuzaqtardy ornatý jáne zertteýdiń basqa da zamanaýı ádisteri «Katonqaraǵaı» MUTP aýmaǵynda ilbistiń (qar barysy) bıologııasy, ekologııasy jáne basqa da erekshelikteri týraly kóbirek bilýge kómektesedi dep úmittenemiz», delingen vıdeodaǵy jazbada.
Eske sala ketsek, buǵan deıin Aqsý-Jabaǵyly qoryǵynda ilbis birneshe ret fototuzaqqa túsken edi.
