Altaı taýynda ilbis fototuzaqqa túsip qaldy
ÓSKEMEN. QazAqparat – Altaı qoryǵynda ornatylǵan fototuzaqqa ilbis túsip qalǵan, dep habarlaıdy QazAqparat tilshisi National Geographic-ke silteme jasap.
Qaraǵaı laqapatty qar barysy jartasta jortyp júrgende jasyryn kameranyń qasynan ótken. Áýelde fototuzaqty baıqaǵanda mán bermegen ań eki aıdan keıin taǵy bir kórgende kameraǵa shabýyl jasady. Biraq barys tistep alsa da fototuzaq áli kúnge deıin jumys istep tur.
Taldaý kórsetkendeı, Qaraǵaı únemi Altaı taýynyń Chıhachev jotasynda júredi. Bul Reseı men Mońǵolııanyń shekarasyndaǵy tus. Dál osy jerdi Altaı qoryǵynyń eń kári ańy - Horgaı mekendegen. Alaıda ol áli kúnge deıin kamera obektıvine ilikpeı keledi.
Chıhachev jotasynda fototuzaqtar arqyly barystardy baqylaý 2011 jyldan bastap jalǵasyp keledi.
