Altaı ólkesinde ata-ana 5 jastaǵy qyzdaryn 5-shi qabattan laqtyryp jiberdi
ASTANA. 28 jeltoqsan. QazAqparat - Altaı ólkesi Blagoveşenskıı aýdanaralyq tergeý basqarmasymen kishkentaı qyzdyń 5-shi qabattan qulaý faktisi boıynsha qosymsha tekserý amaldary júrgizilýde. Oqıǵa keshe keshqurym oryn aldy, dep habarlandy óńirlik vedomstvodan.
Ýtro. rý habarlaǵandaı, 5-shi qabattan qulaǵan búldirshinniń aıaǵy men jambasy syndy. BAQ-tyń bergen málimetterine zer salsaq, búldirshindi terezeden ishimdikke salynǵan ata-anasy laqtyryp jibergen. Tergeý basqarmasy oqıǵanyń mán-jaıyn anyqtaý ústinde. Tekserý amaldarynyń nátıjesi boıynsha protsessýaldy sheshim qabyldanatyn bolady.
