Altaı Kólginovke problemaly úılerdiń qurylys qarqyny unamady
Nur-Sultan ákimi 30 shilde kúni keshke aldymen «Jeti jol» turǵyn úı kesheniniń (Kóktal kenti) qurylys alańyna at basyn tiregen. Atalǵan úıdiń qurylysy 2013 jyly bastalǵan, 2015 jyly nysan problemaly dep tanylǵan. Úleskerlerdiń sany – 600 adamǵa jýyq.
Qurylys qarqynynyń baıaýlyǵyn baıqaǵan Altaı Kólginov: «Úsh apta buryn kezdestik. Qurylys baıaý júrip jatyr. Maǵan jumys qarqyny unamaıdy. Bastaǵannan keıin aıaqtaý kerek. Eger siz de osyndaı ustanymdy ustansańyz, sizdiń aldyńǵy qurylys salýshydan esh aıyrmashylyǵyńyz bolmaıdy ǵoı. Biz sizge jobalaý jumystary boıynsha kómektesip, barlyq máselelerdi zerdelep otyrmyz. Tezdetý kerek, qurylys maýsymy aıaqtalyp qaldy», - dep keıistik tanytty.
Ekinshi obekt - «Komfort» turǵyn úı kesheni boldy. Bul nysan 2015 jyly problemaly bolyp tanylǵan. Úleskerlerdiń sany – 227 adam. Qurylys salýshy atalǵan nysanda jumys júrgizilip jatqanyn, jumysshylardyń ekinshi aýysymy týraly másele qaralý ústinde ekenin atap ótti. Qazirgi kezde olar ınjenerlik jeliler jobasyn kútýde.
«Bul qarqyndy toqtatpańyz. Qysqa merzimde nátıje
kórsettińiz, jumys júrgizilgeni baıqalady. Injenerlik jelilerdiń jobasyn
alǵannan keıin abattandyrý máseleleri boıynsha jumysty bastaý kerek», - dep atap
ótti A.Kólginov.
