Altaı Kólginov: Jeke sektordaǵy úı̆ler gazǵa kóshirile bastady

NUR-SULTAN. QazAqparat - JEO-1 jáne JEO-2 jumysy ishinara gazǵa aýystyryldy. Bul týraly Nur-Sultan qalasynyń ákimi Altaı Kólginov jelidegi paraqshasynda jazdy, dep habarlaıdy QazAqparat.

«Búgin gaz qazandyqtary resmı túrde iske qosyldy. Ol úshin birneshe aı̆ boı̆y jabdyqtardy aýystyrý, qorǵaý, jeldetý jáne gaz sharýashylyǵy júı̆elerin ornatý boı̆ynsha jumystar júrgizildi. Qalǵan qazandyqtardy gazǵa aýystyrý jumystary jalǵasady. JEO qazandyqtarynyń jumysyn gazǵa aýystyrý qorshaǵan ortaǵa kómir shańy, kúkirt sııaqty zııandy qaldyqtardy aı̆tarlyqtaı̆ azaı̆tady», - dedi qala ákimi.

Ákim 19 áleýmettik nysandy avtonomdy qazandyqtardan gazǵa kóshirý boı̆ynsha (mektepter, balabaqshalar, medıtsınalyq mekemeler) jumystar júrgizilip jatqanyn aıtty.

«Sonymen birge eldi-mekenderdergi jeke sektordaǵy úı̆ler gazǵa kóshirile bastady», - dep tolyqtyrdy ákim.