Altaı Kólginov jańa qyzmeti týraly: Jaýapkershiliktiń artqanyn sezemin

ASTANA. QazAqparat – Altaı Kólginov óziniń Premer-Mınıstr orynbasary bolyp taǵaıyndalýy týraly pikir bildirdi, dep habarlaıdy QazAqparat tilshisi.

«Bilesiz be, men ákim bolyp 11 jyldan astam ýaqyt jumys isteppin. Sondyqtan bul damýdyń jańa kezeńi, jańa jaýapkershilik dep oılaımyn. Osyǵan deıin áriptesterimmen birge óńirlik deńgeıde atqarǵan jumystardy endi barlyq óńir boıynsha atqaramyz», - dedi Altaı Kólginov Úkimettiń keńeıtilgen otrysynan keıin BAQ ókilderine bergen suhbatynda.

Sondaı-aq, ol jańa qyzmette taǵaıyndalǵandaǵy sezimi týraly aıtyp berdi.

«Tek úlken jaýapkershilik (sezinemin - red) sol ǵana. Іsteıtin jumys sol baıaǵydaı, tek búkil óńirler boıynsha atqaramyz. Otbasym meniń memlekettik qyzmetker ekenimdi túsinedi jáne tek qoldaý kórsetedi», - dedi Astananyń eks-ákimi.

Foto: gov.kz