Altaı Kólginov uzaqqa sozylǵan qurylys qarqynyn arttyrýdy tapsyrdy
NUR-SULTAN. QazAqparat - Nur-Sultan ákimi Altaı Kólginov tańerteńgilik aralaý barysynda «Shyǵys» turǵyn úı keshenine jatatyn bloktarynyń qurylys barysymen tanysty. Qala ákimi qurylys qarqynyn arttyrýdy júktedi, dep habarlaıdy QazAqparat tilshisi.
«Tańerteńgilik aralaý barysynda «Shyǵys» turǵyn úı keshenine jatatyn 1a, 1v, 2a, 2v, 3a, 3b bloktarynyń qurylys jumystarynyń barysymen tanystym. Bul jerdegi barlyq bloktarda jumystar júrgizilip jatyr. Qurylys qarqyny men jumysshylar sanyn arttyrýdy tapsyrdym. Qazirgi qolaıly aýa-raıyn barynsha paıdalanyp, úılerdiń, shatyrlardyń qasbetimen aınalysý kerek. Sonymen birge ınjenerlik jelilerge ýaqtyly qosyp, abattandyrýmen aınalysý qajet. Nysandaǵy jumystardy kestege sáıkes aıaqtaý mańyzdy. Óz tarapymyzdan barlyq kedergilerdi joıamyz, tıesili qarjy bólingen», – dep jazdy Altaı Kólginov.
