Altaı Kólginov úıine qandaı shyrsha ornatatynyn aıtty
NUR-SULTAN. QazAqparat – Elordada Jańa jylǵa daıyndyq jumystary Táýelsizdik kúninen keıin ǵana bastaldy. Bul týraly búgin Ortalyq kommýnıkatsııalar qyzmetindegi baspasóz máslıhatynda Nur-Sultan qalasynyń ákimi Altaı Kólginov aıtty, dep habarlaıdy QazAqparat tilshisi.
Qala basshysynyń aıtýynsha, bıyl jańa jylǵa oraı shyrsha satyp alynǵan joq. Buǵan deıin qala ishinde ornatylyp kelgen shyrlar kádege jaraıdy. Jalpy, qala ishinde 50 shyrsha shyrsha bolsa, sonyń 70 paıyzyn iri saýda ortalyqtary óz qarajattary esebinen ornatyp jatady.
«Jalpy biz Jańa jyl taqyrybyn 16 jeltoqsan ótkennen keıin ǵana jan-jaqty kótere bastadyq. Qurastyrylmaly shyrshalardy sál erterek bastaǵanymyzben bezendendirý jumystary búginnen bastap qolǵa alyndy. Sonymen qatar otshashý da qala bıýdjeti esebinen júzege asyrylmaıdy», - dedi ol.
Elorda ákimi Táýelsizdik kúninde jyl áni ótkizilgendigin, oǵan deıin QR Prezıdentiniń qatysýymen jastar jylynyń jabylý jáne Volenterler jylynyń ashylý saltanatty sharasy bolǵandyǵyn aıtty.
Sonymen qatar Altaı Kólginov shyrshany kesip, jańa jylǵa oraı ornatýǵa qarsy ekendigin aıtty.
«Bireýler kesken shyrshany esh ýaqytta da satyp almaımyn. Menińshe bul adamshylyqqa jatpaıdy. Ákimdik qyzmetkeri retinde bir shyrshany ósirý úshin qanshama ýaqyt qajet ekendigin bilemiz. Negizinen qaraǵaıdy shabady. Bir shyrshany ósirý úshin adamdardyń qansha eńbek ketkendigin elestetip kórińizderdi. Shyrshany ósirý úshin 10-15 jyl ýaqyt ketedi, al on 15 mınýttyń ishinde shaýyp satady. Eki aptadan keıin adamdar ony dalaǵa tastaıdy. Bul ekologııaǵa da zııandy. Árıne, bizde oǵan tyıym salynbaǵan. Bir jaqtan, múmkin ózge elden ákeledi. Úıimde jasandy materıaldan jasalǵan shyrshany paıdalanamyn. Bir rettik emes, shashylmaıdy jáne birneshe jyl paıdalanýǵa bolady», - dedi qala basshysy.
