10:19, 29 Jeltoqsan 2019 | GMT +6
Altaı Kólginov ushaq apatynan qaza tapqan jandardyń otbasylarymen kezdesti
NUR-SULTAN. QazAqparat - Elorda ákimi Almaty qalasynyń mańynda bolǵan ushaq apatynan qaza tapqan jandardyń otbasylarymen kezdesti, dep habarlaıdy QazAqparat.
Bul týraly qala basshysynyń baspasóz hatshysy Aqmaral Oljabaeva Facebook-tegi paraqshasynda jazdy.
Altaı Kólginov Dana Krýglova men Arman Isınanyń otbasylaryna kóńil aıtty.
Qala ákimdigi jerleý rásimin uıymdastyrdy. Qaza tapqandardyń týysqandary men jaqyndaryna psıhologııalyq kómek kórsetilip jatyr.
Memleket basshysynyń tapsyrmasyna sáıkes qaza tapqandardyń otbasylaryna 4 mln teńge aqshalaı kómek kórsetiledi. Dana Krýglova jáne Arman Isınamen qoshtasý rásimi búgin saǵat 10-da bastaldy.
