Altaı Kólginov ýchaskelik polıtsııa beketterin aralady

NUR-SULTAN. QazAqparat - Nur-Sultan qalasynyń ákimi Altaı Kólginov pen Polıtsııa departamentiniń bastyǵy Erjan Sádenov jańa ǵımaratty qajet etetin ýchaskelik polıtsııa beketterin aralap kórdi, dep habarlaıdy QazAqparat.

«Ýchaskelik ınspektorlar qoǵamdyq tártipti qamtamasyz etedi. Olardyń kúndelikti eńbeginiń arqasynda elordada quqyqbuzýshylyqtar sany azaı̆dy. Qala aýdandary boı̆ynsha 30-dan astam ýchaskelik polıtsııa pýnkti ornalasqan. Olardyń keı̆bireýi jóndeýdi qajet etse, keı̆birin jańa ǵımaratqa kóshirý kerek», - dep jazdy Instagram-daǵy paraqshasynda Altaı Kólginov.

Qala ákiminiń aıtýynsha, eski vokzal aýdanynda Gete kóshesinde ornalasqan ýchaskelik pýnktine turǵyndar kóp júginedi. Sebebi onda poıyz, qalaaralyq avtobýstarǵa baı̆lanysty adamdardyń úlken aǵyny baı̆qalady.

Elorda basshysy men PD bastyǵy sondaı̆-aq, Dúkenuly, Áýezov kóshelerindegi ýchaskelik pýnkterge barǵan.

Nátıjesinde A.Kólginov ǵımaraty eskirgen tirek pýnkteri úshin jańa oryndar qarastyrýdy tapsyrdy.

«Bıyl polıtsııanyń ýchaskelik pýnkteriniń bir bóligi jóndeldi, ótken jyldyń jazynda 400-den astam qyzmetker eńbek etip jatqan Esil aýdanynyń polıtsııa basqarmasyna jańa ǵımarat berildi. Sonymen qatar, avtoparkti jańartyp jatyrmyz, tek osy jyldyń kúzinde ǵana polıtseı̆lerge qosymsha 65 avtokólik berildi. Jańa turǵyn úı̆lerdiń birinshi qabattarynda áleýmettik nysandardan basqa polıtsııanyń tirek pýnkterin ashamyz.

Memleket basshysy jergilikti polıtsııa qyzmetin reformalaý aıasynda ýchaskelik ınspektorǵa basty ról júkteletinin, qyzmet «polıtsııa qadamdyq qoljetimdilik« qaǵıdaty boı̆ynsha jumys isteýi tıistigin atap ótti.

Beı̆indi memlekettik organdarmen birlesip, Polıtsııa departamenti qyzmetkerleriniń eńbek jaǵdaı̆laryn jaqsartý boı̆ynsha jumysty júı̆eli negizde jalǵastyramyz», - dep jazdy Altaı Kólginov.