Altaı Kólginov «Promyshlennyı» turǵyn úı alaby turǵyndarynyń máselelerin tyńdady

NUR-SULTAN. QazAqparat - Nur-Sultan qalasynyń ákimi Altaı Kólginov Almaty aýdany aýmaǵyndaǵy nysandardy aralap, problemalyq ýchaskelermen tanysty. Qala ákimi 30 myńǵa jýyq turǵyny bar "Almaty" aýdanyndaǵy "Promyshlennyı" turǵyndarymen kezdesti, dep habarlaıdy QazAqparat elorda ákimdiginiń resmı saıtyna silteme jasap.

Júzdesý barysynda turǵyndar "Aqkent" JShS sılıkat kirpish shyǵaratyn zaýytty aýystyrý, jyly aıaldamany jáne sport alańdary bar skverdi jaılastyrý týraly ótinish aıtty. Sondaı-aq, 13-shi mektepti keńeıtý, qoǵamdyq kólik jumysyn jaqsartý jáne jol qurylysy máseleleri talqylandy.


"Jeleznodorojnyı" alabynyń turǵyndary Maıakovskıı 7 kóshesin jaryqtandyrý jáne jańǵyrtý máselelerin jetkizdi. Joǵaryda atalyp ótken turǵyndardyń tilekteri jumys josparyna engizilip, baqylaýǵa alynatyn bolady. Osyndaı kezdesýler turaqty negizde ótkiziledi.