Altaı Kólginov óz «otstavkasy» týraly pikir bildirdi

ASTANA. QazAqparat – Astana qalasynyń ákimi Altaı Kólginov óz «otstavkasy» týraly pikir bildirdi, dep habarlaıdy QazAqparat tilshisi.

QR Pezıdentin ulyqtaý rásiminen keıin BAQ ókilderi elorda ákimi Altaı Kólginovten óz otstkavkasy týraly telegram-arnalarda taraǵan aqparattarǵa qatysty pikirin surady.

«Men sybystarǵa baılanysty eshteńe dep pikir bildire almaımyn. Meniń oıymsha, bárin ýaqyt kórsetedi. Ózderińiz bilesizder, zańǵa sáıkes, Konstıtýtsııa boıynsha Prezıdent saılanǵannan keıin ákimderdiń bári de óz laýazymyn bosatady. Odan ári qaraı ne bolatynyn ózderińiz de estıtin shyǵarsyzdar. Biz árdaıym elge, qoǵamǵa qyzmet etýge daıynbyz. Memlekettik qyzmettiń de máni sol ǵoı», - dedi ákim.

Aıta keteıik, búgin Astanadaǵy Táýelsizdik saraıynda Qazaqstan Prezıdentiniń ulyqtaý rásimi ótti.