Altaı Kólginov: Mekemeler naýqas qabyldaıtyn statsıonar retinde qaıta jabdyqtalady
NUR-SULTAN. QazAqparat - Kelesi aptada elordada qosymsha 200 tósek-jabdyq beriledi jáne ózge mekemelerdi naýqas qabyldaıtyn statsıonarǵa beıimdeledi, dep habarlaıdy QazAqparat.
Bul týraly Nur-Sultan qalasynyń ákimi Altaı Kólginov málimdedi.
«Dúısenbiden bastap, qosymsha 200 tósek-jabdyq beriledi. Ózge de mekemelerdi naýqas qabyldaıtyn statsıonarǵa beıimdeımiz. Travmatologııa jáne ortopedııa ǴZI, Ulttyq ǵylymı medıtsınalyq ortalyq, Green Clinic syndy respýblıkalyq klınıkalarmen kompıýterlik tomografııa júrgizý jóninde emhanalarmen baılanysý kelisimine qol qoıyldy. Bul pnevmonııany bastapqy kezeńde anyqtaýǵa múmkindik beredi. Odan bólek, qosymsha tomografııalar men jasandy ókpe jeldetý apparattaryn satyp alamyz», - dep jazdy ákim óziniń instagram paraqshasyna .
Buǵan deıin ákim PTR testin alatyn mobıldi zerthanalar testtik rejımde jumys isteıtinin málimdegen edi.
