Altaı Kólginov masa ýlaýdy ýaqytynda qolǵa almaǵandar jazalanatynyn aıtty
NUR-SULTAN. QazAqparat - Nur-Sultan qalasynyń ákimi Altaı Kólginov qalany qaptaǵan masany ýlaý jumystaryn ýaqytynda qolǵa almaǵandar jazalanatynyn aıtty. Ol bul jóninde óziniń Twitter akkaýntynda jazdy, dep habarlaıdy QazAqparat.
«Turǵyndar tarapynan masa ýlaýǵa qatysty kóptegen shaǵymdar túsýde. Buǵan qatysty aýdan ákimderi men tıisti basqarmaǵa shuǵyl túrde shara qabyldaýdy tapsyrdym. Tıisti sharany ýaqytynda qolǵa almaǵandarǵa tártiptik shara qoldanylady», - dep habarlady shahar basshysy.
Eske sala keteıik, biz buǵan deıin qalada masa-shirkeıdi ýlaý jumysy qalaı júrgizilip jatqanyn jazǵan bolatynbyz. Onda qanatty qansorǵyshtardyń shekten tys kóbeıip ketýine aýa raıy áser etkeni aıtylǵan. Tıisti qyzmetterdiń málimetinshe, qaladaǵy ár aýdan boıynsha 6-8 shilde aralyǵynda dezınsektsııalyq is-sharalar júrgizilgen.
