Altaı Kólginov mádenıet nysandarynyń qurylysyna erekshe kóńil bólmek

ASTANA. QazAqparat - Mádenıet nysandary halyqtyń ıgiligine jumys istep qana qoımaı, qalanyń vızıt kartasyna, tartymdy oryndarynyń birine aınalady.

Mádenıet jáne sport mınıstri Ashat Oralovpen birge elordadaǵy birqatar mádenıet mekemesin aralap kórgen Úkimet basshysynyń orynbasary Altaı Kólginov óziniń Facebook paraqshasynda osyndaı pikir bildirdi, dep habarlaıdy QazAqparat.

Onyń oıynsha, mádenıet nysandarynyń qurylysyna, olardy jańǵyrtý isine erekshe kóńil bólý qajet.

«Jańa mádenıet nysandaryn salýmen qatar, qoldanystaǵylaryna tıisti deńgeıde kóńil bólip, múmkindiginshe saqtap qalǵan jón. Almatyda Mádenıet jáne sport mınıstri Ashat Oralovpen birge birqatar mádenıet mekemelerinde boldym: M. Áýezov atyndaǵy Qazaq ulttyq drama teatry, zaǵıp jáne nashar kóretin azamattarǵa arnalǵan kitaphana, Abaı atyndaǵy Qazaq memlekettik opera jáne balet teatry, T. Júrgenov atyndaǵy Qazaq ulttyq óner akademııasy jáne t.b.

Mádenıet qaıratkerlerimen kezdestik. Olardyń qatarynda Asanáli Áshimov, Tuńǵyshbaı Jamanqulov, Murat Áýezov jáne t.b. bar. Kezdesýde sheteldik teatr ujymdarymen ózara tájirıbe almasý, jańa mádenıet nysandaryn salý, qolda bar nysandardy jóndeý sekildi ózge de máseleler kóterildi»,-deıdi vıtse-premer.

Máselen QR Mádenıet jáne sport mınıstrligi M. Áýezov atyndaǵy Qazaq ulttyq drama teatrynyń ǵımaratyn qaıta jańǵyrtýy qajet. Kóterilgen máselelerdi sheshý boıynsha jumys qolǵa alyndy.

«Mádenıet salasy qyzmetkerleriniń mártebesin arttyrý úshin únemi jumys isteıtin bolamyz»,-dedi Altaý Kólginov.