Altaı Kólginov LRT-nyń tabys ákelmeıtin joba ekenin málimdedi
«Kóp aqsha jumsaldy jáne joba aıaqtalǵan joq. Ony bárimiz bilemiz, aıtyp ta júrmiz. Ókinishke oraı, osyndaı problema bar. Iá, bul joba tabys ákelmeıdi. Bul - qosymsha sýbsıdııalanatyn qoǵamdyq kóliktiń túri. Biraq, keleshekte ol kólik dálizimizdiń júktemesin tómendetetin bolady. Adamdar ony paıdalana bastaǵan kezde áleýmettik jobaǵa aınalady. ıAǵnı, ony bıznes joba retinde qaraýǵa bolmaıdy. Tabys ákelmeıdi. Onyń tarıhyn, qandaı problemalar bolǵanyn, qansha qarajat jumsalǵanyn eskersek, sarapshylardyń pikirinshe, jobany sońyna deıin aıaqtap, qoǵamdyq kólik retinde qoldanysqa berý maqsatqa saı keledi. Ekonomıkalyq turǵydan paıda bolmaıdy. Al áleýmettik turǵydan qoǵamdyq kólik retinde paıdalanylady dep oılaımyz», - dedi Altaı Kólginov Ortalyq kommýnıkatsııalar qyzmetindegi baspasóz máslıhaty barysynda BAQ ókilderiniń saýalyna oraı.
Sonymen qatar qala basshysy LRT jobasyna qaryzǵa alynǵan qarajatty 5 jyldyń ishinde qaıtarý kerektigin atap ótti.
«Munyń ústine jobany aıaqtaý úshin qosymsha qarajat ta qajet. Biraq, ol jobanyń bastapqy kezeńinde kózdelgen qarajattan az. 1 mlrd dollardyń jartysy kerek», - dedi elorda ákimi.
