Altaı Kólginov: Qyzmetkerlerdi ónerkásiptegi jazataıym oqıǵalardan saqtandyrý kórsetkishi tómendep barady

ASTANA. QazAqparat – Elordada ótip jatqan «KIOSH-2023» halyqaralyq konferentsııasyna qatysqan Premer-Mınıstrdiń orynbasary Altaı Kólginov jumyskerlerdi jazataıym oqıǵalardan saqtandyrý júıesindegi olqylyqtardy atady, dep habarlaıdy QazAqparat tilshisi.

«Ónerkásiptegi jazataıym oqıǵalardan áleýmettik saqtandyrý júıesi júıeli jolǵa qoıylmaǵan. Kásiporyndardaǵy jaǵdaı jumys berýshi men jumysker úshin tıimdi bolýy tıis. Degenmen saqtandyrý kórsetkishteri tómendep barady. Búgingi tańda elimizdegi kásiporyndardyń 30%-y ǵana ózderiniń qyzmetkerlerin saqtandyrdy. Onyń ishinde 48%-y jaldamaly jumyskerler. Bul ınspektsııalar men saqtandyrý kompanııalary jiberip otyrǵan úlken olqylyq», - dep málim etti Altaı Kólginov.

Sonymen qatar, Altaı Kólginov baıandama jasaı otyryp, jyl saıyn elimizdegi kásiporyndarda 2 myń adam ónerkásiptik jaraqat alyp, saldarynan shamamen 200 jumysker kóz jumatynyn málimdedi.