Altaı Kólginov: Qyzmetkerdiń jemqorlyǵy úshin birinshi basshy jaýap beredi
«Memleket basshysynyń tapsyrmasymen daǵdarystan keıingi jáne daǵdarysqa qarsy mehanızmder boıynsha birqatar naqty baǵdarlamalardy júzege asyryp kelemiz. Sondaı mańyzdy baǵdarlamalardyń biri - Jumyspen qamtýdyń jol kartasy. Qazir karantın ýaqytynda kóptegen adamdardyń ýaqytsha jumyssyz qalýy máselesi týyndady. Birneshe kásiporyn ýaqytsha toqtatyldy. Endi Jol kartasy boıynsha qalany abattandyrý, jol jóndeý, saıabaqtar qurý jumystaryn jandandyrýymyz kerek. Bul jumys ashyq túrde ótýi tıis», - dedi Altaı Kólginov.
Onyń aıtýynsha, ákimdiktiń birneshe basqarmasy, onyń ishinde jumyspen qamtý, otyn-energetıkalyq resýrstar, satyp alý, qurylys basqarmalary QR Sybaılas jemqorlyqqa qarsy is-qımyl agenttigimen memorandým ornatyp, óz jumysyn ashyq kórsetýi tıis.
«Barlyq protsedýralardyń ashyq oryndalýyn qamtamasyz etý qajet. Taǵy da birinshi basshylardyń óz qaramaǵyndaǵy qyzmetkerler úshin jaýapty ekenin eske salǵym keledi. Sonymen birge, merdigerlerden de jaýapkershilik alynbaıdy. Bıýdjettik baǵdarlamalar ákimshileri barlyǵyn qadaǵalaýy tıis. Biz olardyń jumysyn baqylap, kemshin tustaryn qoǵamdyq talqylaýǵa shyǵaramyz. Biz atqaryp jatqan jumys eń aldymen turǵyndarǵa qolaıly jaǵdaı jasaýǵa baǵyttalýy kerek», - dedi elorda ákimi.