Altaı Kólginov Kishi Taldykól máselesine qatysty pikir bildirdi
NUR-SULTAN. QazAqparat – Nur-Sultan qalasynyń ákimi Altaı Kólginov qalanyń sol jaǵalaýyndaǵy Kishi Taldykól jóninde qandaı sheshim qabyldanǵanyn aıtyp berdi, dep habarlaıdy QazAqparat tilshisi.
«Birden aıtaıyn, kólge eshkim tıispeıdi. Aǵyn sý jınaǵy bolsa da, halyq ony kól dep atap ketken. Taldykóldiń ózinde kóńil kóterý aýmaǵy salynady. Ony kógaldandyryp, halyq serýendeıtin jaǵdaı jasaımyz. Biraq, sol jaǵalaýda úıler kóptep salynbaı turǵanda, munda sarqyn sýlar jınalatyn», - dep jaýap berdi ákim Ortalyq kommýnıkatsııalar qyzmetinde tilshi suraǵyna.
Ákimniń aıtýynsha, Taldykóldegi sý kólemi qazir azaıǵan. Buryn 50 mln tekshe metr sý bolsa, qazir 8 mln tekshe metr sý qalǵan.
«Elordada qurylys kúsheıgendikten, sý kólemi azaıǵan. Taǵy da qaıtalap aıtaıyn, sý aıdynyna eshkim tıispeıdi. Al onyń aınalasynda josparlanǵan qurylys jumystary júrip jatyr. Kóptegen úıler salynyp úlgerdi», - dedi A. Kólginov.
Nur-Sulan ákimdiginiń habarlaýynsha, Taldykól kóliniń janynda jańa ekopark salynady.
