Altaı Kólginov: Qazir bir-birimizdi synaıtyn emes, qoldaıtyn ýaqyt
NUR-SULTAN. QazAqparat – Nur-Sultan qalasynyń ákimi Altaı Kólginov elordada koronavırýs ınfektsııasynyń taralýyna jol bermeý úshin qandaı sharalar qabyldanǵanyn aıtyp berdi, dep habarlaıdy QazAqparat tilshisi.
«Biz 22 naýryzdan beri halyqaralyq reısterden 2500 jolaýshyny karantınge jatqyzdyq. Onyń ishinde bes adamnan koronavırýs anyqtaldy. ıAǵnı bes adamdy qalaǵa jibermedik. Olardy emdep jatyrmyz. Álemdik tájirıbe kórsetip otyrǵandaı koronavırýsty juqtyrǵan bir adam qaraýsyz qalsa 10 kúnnen keıin aýyrǵandardyń sany 3500-ge jetip jyǵylady. Keshe memlekettik komıssııa 1 sáýirden bastap barlyq halyqaralyq reısti toqtatý týraly sheshim qabyldady. ıAǵnı Nur-Sultan halyqaralyq reısterdi qabyldamaıdy», - dedi qala ákimi Tengrınıýs.kz portalyna bergen tikeleı eıfrdegi suhatynda.
Shahar basshysynyń aıtýynsha, qazirgi ýaqytta elordada 175 adamnan koronavırýs ınfektsııasy anyqtalǵan. Olardyń bári statsıonarda jatyr.
«Sonymen birge karantınde jatýy tıis azamattarǵa arnap 8 jataqhana daıyndadyq. Olardyń vırýs juqtyrmaǵany anyqtalǵannan keıin ǵana biz olardy úı karantınine jiberemiz. Dál qazir osyndaı qatań sharalardy qabyldaýymyz kerek. Onsyz nátıjege qol jetkize almaımyz», - dedi ol.
Altaı Kólginov sonymen qatar qalalyqtarǵa úndeýin joldady.
«Qansha qyrýar qarajat ketip, áleýmettik baǵdarlamalar qabyldanyp jatyr. Bir-birimizdi synap, ne beresiń demeı, men qalaı kómektese alamyn deýimiz kerek. Mundaı jappaı karantın elde buryn bolmaǵan. Sony durys seziný kerek. Eger bir-birimizdi qoldap, tártip saqtasaq, karantındi erte bitiremiz. Erterek jumysqa turýymyz kerek. Úlken jastaǵy adamdarymyzdy kútýimiz kerek. Qazir bir-birimizdi synaıtyn ýaqyt emes, qoldaıtyn ýaqyt. Jumyla kótergen júk jeńil», - dedi Altaı Kólginov.
Foto: inbusiness.kz
