Altaı Kólginov qala turǵyndaryn ekologııalyq aktsııaǵa shaqyrdy
NUR-SULTAN. QazAqparat - Elorda ákimi turǵyndardy qalalyq ekoaktsııaǵa qatysýǵa shaqyrdy. Shara 27 shildede, osy senbide ótedi, dep habarlaıdy ákimdiktiń resmı saıty.
«20 shildede #Birge #TazaQazaqstan ekologııalyq qozǵalysy bastaldy. Osy senbi kúni 27 shildede biz ekologııalyq estafetany ótkizetin bolamyz. Esil jáne Qarasý ózenderiniń jaǵalaýlaryn aınalyp ótetin áýejaıdan Qaraǵandy trassasyna qaraı tazartýdy usynamyz. Barlyq qala tazalyǵyna beı-jaı qaramaıtyn turǵyndardy qatysýǵa shaqyramyz», - dep jazdy Altaı Kólginov twitter-degi akkaýntynda.
