Altaı Kólginov: Qala turǵyndary kótergen máselelerdiń barlyǵy josparǵa alyndy
NUR-SULTAN. QazAqparat – Nur-Sultan qalasynyń turǵyndary kótergen máselelerdiń barlyǵy josparǵa alyndy, dep habarlaıdy QazAqparat.
Bul týraly elorda ákimi Altaı Kólgiov óziniń Facebook paraqshasynda jazdy.
«Búgin »Baıqońyr« aýdanynyń turǵyndarymen kezdestim. 2 saǵat ishinde qala turǵyndary 70-ke jýyq suraq qoıdy. Turǵyndar áleýmettik nysandardyń qurylysy, eldi-mekenderdi damytý, qoǵamdyq kólikterdiń baǵyttaryn arttyrý, aýmaqty abattandyrý, kóshelerdi jaryqtandyrý máselelerin kóterdi. Sondaı-aq, turǵyn úı baǵdarlamalaryna qatysý jáne apatty úılerdi súrý máselelerine de toqtalyp ótti. Jalpy osy jyly »Nurly jer« baǵdarlamasy boıynsha 8 apatty úıdiń turǵyndaryn kóshirdik. Munaı bazalary mańynda ornalasqan 39 razezdegi 27 úıdiń jıyrmasynyń turǵyndary páter aldy»,-dep jazdy elorda ákimi.
Sondaı-aq ol turǵyndar tarapynan kóterilgen árbir másele jumys josparyna alynǵandyǵyn jáne «Ashyq mıkrofon» formatyndaǵy mundaı kezdesýlerdiń turaqty túrde ótetinin habarlady.
