Altaı Kólginov halyqqa onlaın-rejımde esep beredi
NUR-SULTAN. QazAqparat - Elorda ákiminiń halyq aldynda esep berý kezdesýi 12 aqpanda saǵat 10:00-de «Astana» kontsert zalynda ótedi, dep habarlaıdy qala ákimdiginiń resmı saıty.
Іs-shara onlaın-rejımde qala ákimdiginiń Facebook-tegi resmı paraqshasynda jarııalanatyn bolady. Osy áleýmettik jeli arqyly paıdalanýshylar aldyn ala ákimge suraqtardy qoıa alady.
Qala turǵyndarynyń yńǵaılylyǵy jáne elordalyqtardy barynsha qamtý úshin L. Gýmılev atyndaǵy Eýrazııa ulttyq ýnıversıteti men S. Seıfýllın atyndaǵy Qazaq agrotehnıkalyq ýnıversıteti ǵımarattarynda eseptik kezdesýdiń onlaın translıatsııasy kórsetiletin bolady.
Sonymen qatar, «Astana» kontsert zalynyń foıesinde saǵat 8:30-dan bastap elorda ákiminiń orynbasarlarymen, qalalyq basqarmalar men qyzmetterdiń basshylarymen birge halyqty qabyldaý jáne keńes berý boıynsha hatshylyq jumysy uıymdastyrylady.
