Altaı Kólginov Facebook áleýmettik jelisine tirkeldi

NUR-SULTAN. QazAqparat - Nur-Sultan qalasynyń ákimi Altaı Kólginov Facebook áleýmettik jelisine tirkeldi, dep habarlaıdy qala ákimdiginiń resmı saıty.

«Qurmetti dostar! «Twitter» jáne «Instagram»-nan bólek, qoldanýshysy kóp «Facebook» áleýmettik jelisinen de jeke paraqshamdy ashýdy uıǵardym. Tsıfrlyq tehnologııalar damyǵan búgingi qoǵamda áleýmettik jeliler - turǵyndardyń jedel aqparat alyp, jańalyqtarmen bólisetin biregeı dıalog alańy ári, tıimdi baılanys quraly ekeni sózsiz. Áleýmettik jeliler arqyly elorda halqy menimen baılanysqa shyǵý múmkindigine ıe bolady. Turǵyndar tarapynan kelip túsken barlyq ótinishter men usynystar mindetti túrde qarastyramyz. Birlese jumys jasaýǵa jáne ashyq dıalog ornatýǵa árqashan daıynmyn. Qalamyzdy jaıly, myqty, gúldengen jáne budan da ádemi bolýyna birge atsalysaıyq!», - dep jazdy elorda ákimi.