Altaı Kólginov elordalyqtarǵa úndeý jasady

«Ózderińiz biletindeı̆, elordamyzdyń aýdandaryn polıortalyq qaǵıdaty boı̆ynsha damytýdamyz. Bul degenimiz - qadamdyq jaqyn jerde ornalasqan áleýmettik nysandar, ýaqyt ótkizýge arnalǵan abattanǵan oryndar, ınfraqurylymy damyǵan, jasyl baqtary jáne t. b. bar qala.

«Áleýmettik jeliler men messendjerler arqyly qalany damytý boı̆ynsha usynystaryńyz kelip túsýde. Bul bizdi qatty qýantady. Osy jumysty júı̆eleý jáne elordany sizdermen birge damytý úshin «Birge» saı̆ty iske qosyldy», -dep jazdy ákim jelidegi paraqshasynda .
Saı̆tta siz ár túrli baǵyttar boı̆ynsha usynystar qaldyrýǵa bolady.

«Apatty eski turǵyn úı̆lerdi súrý, ekologııa, gazdandyrý, kógaldandyrý, qoǵamdyq keńistik, kóshelerdi jaryqtandyrý, janýarlardy qorǵaý, turǵyn úı̆-kommýnaldyq sharýashylyǵy, qurylys, bilim berý, qaýipsizdik, densaýlyq saqtaý, áleýmettik sala, ýrbanıstıka - qalalyq orta, bıznes, kólik, sanıtarııalyq tazartý sekildi sanattar jeke berildi. Platformanyń jumys isteý protsesi qarapaı̆ym: birinshisi - ıdeıany usyný, ekinshisi - irikteý, úshinshisi - jobany júzege asyrý. Turǵyndardyń eń jaqsy usynystaryn júzege asyramyz», - dedi ákim.