Altaı Kólginov elordalyq JEO-lar gazǵa qashan kóshetinin aıtty

NUR-SULTAN. QazAqparat – Nur-Sultan qalasynyń ákimi Altaı Kólginov elordadaǵy Jylý elektr ortalyqtary qashan gazǵa aýystyrylatynyn málim etti, dep habarlaıdy QazAqparat tilshisi.

«Gazdandyrý boıynsha: barlyq protsedýralyq jumys sheshimin tapty. Keste boıynsha jumys júrgizip jatyrmyz. Іske qosý keshenderi boıynsha jumystardyń qarqyny qyzý», - dedi Nur-Sultan qalasynyń ákimi búgin Prezıdenttiń tóraǵalyǵymen ótip jatqan Úkimettiń keńeıtilgen otyrysynda.

A.Kólginov JEO-lardy gazǵa kóshirý jóninde aıtty.

«JEO-1 men JEO-2 gazǵa aýystyrylady. Konkýrs jarııalandy. Kóktemde jumysty bastap ketemiz dep otyrmyz. Bıyl JEO-2-degi qurylǵylardy qaıta jóndeý jumystary aıaqtalady. Bul ózgeris saǵatyna jylý boıynsha 180 gıgakalorııa men 120 gıgavatt elektr energııasyn berýge múmkindik beredi», - dedi ol.