Altaı Kólginov elordalyq Jeńil atletıka federatsııasynyń prezıdenti bolyp saılandy
NUR-SULTAN.QazAqparat - Qazaqstandaǵy Jeńil atletıka federatsııasynyń konferentsııasynda Altaı Kólginov Nur-Sultan qalalyq Jeńil atletıka federatsııasynyń prezıdenti qyzmetine saılandy, dep habarlaıdy QazAqparat Nur-Sultan ákimdiginiń baspasóz qyzmetine silteme jasap.
QR Jeńil atletıka federatsııasynyń prezıdenti Danıal Ahmetov Qazaqstanda 7 jabyq jeńil atletıka manejiniń qurylysy josparlanǵanyn, onyń biri 2020 jyly el astanasynda ashylýy kerektigin aıtty.
Astanada jeńil atletıkamen turaqty aınalysatyndar sany - 2 000 adam shamasynda. Elordalyq sportshylar osy jyly 9 altyn, 12 kúmis jáne 17 qola medal ıelengen.
Astanada atalmysh sport túrin damytý maqsatynda federatsııa «Naýryz Marafon», «Astana Marathon», «Adaldyq alańy» qaıyrymdylyq júgirisi», tanymal jattyqtyrýshy Q.Q.Jýanyshevty eske alýǵa arnalǵan respýblıkalyq týrnır, «October Run Fest-2019» kúzgi júgirisi jáne basqa da sharalardy uıymdastyrǵan.
Elorda ákimi Altaı Kólginov federatsııanyń senim bildirgenine alǵys aıtyp, jeńil atletıkaǵa, onyń ınfraqurylymyna tıisti kóńil bólinetinin jetkizdi.
