Altaı Kólginov elordalyq polıtseılermen kezdesti
Kezdesý barysynda qala ákimi elorda polıtseıleriniń jumys jaǵdaıymen tanysyp, ýchaskelik polıtsııa ınspektorlary jumysynyń mańyzdylyǵyn atap ótti.
Elordada quqyq buzýshylyqtardyń sany tómendegen. Qalada 30-dan astam ýchaskelik polıtsııa pýnktteri ornalasqan, olardyń birshamasy jóndeý jumystaryn júrgizýdi qajet etedi.
Qala basshysy Prezıdenttiń: «jergilikti polıtsııa qyzmeti reformasy aıasynda negizgi ról «polıtsııa qadamdyq qoljetimdilikte» qaǵıdaty boıynsha jumys isteýi tıis ýchaskelik polıtsııa ınspektorlaryna júkteledi. Osy rette polıtsııanyń jumysyna jáne azamattarǵa qolaıly bolý úshin barlyq jaǵdaı jasalatyn bolady» - degen sózin atap ótti.
Kezdesýdi qorytyndylaı otyryp, Altaı Kólginov Jańa jyl qarsańynda polıtsııa jeke quramyn kele jatqan merekemen quttyqtap, jumysta jaqsy nátıjelerge qol jetkizýlerine tilektestigin bildirdi.