Altaı Kólginov elordalyq 49 jas túlekke bilim grantyn tabys etti
NUR-SULTAN. QazAqparat – Bilim sertıfıkatyna ıe bolǵan túlekterge qala basshysy sáttilik tilep, ata-ana men el úmitin aqtaıtyndaryna senim bildirdi, dep habarlaıdy QazAqparat tilshisi.
Jyl saıyn ákimniń granty qalanyń jalpy bilim beretin mektep túlekteri qatarynan jetim balalarǵa, balalar úıiniń túlekterine, bala jasynan múgedekterge, ata-ana qamqorlyǵynsyz qalǵan balalarǵa, kópbalaly otbasynyń balalaryna beriledi. Sonymen, bıyl 49 túlek sertıfıkat ıegeri atandy.
«Bul grant sizderge bilim alýǵa múmkindik berip qana qoımaı, jaýapkershilik júktep otyr. Árıne, JOO-na túsý - ár túlektiń armany. Osy oraıda biz ákimdik atynan qoldaý kórsetýdi quptadyq. Kóbińiz UBT tapsyrdyńyzdar, biraq dittegen baldy jınaı almaǵandaryńyz bar. Bul - jas órkenge memleket tarapynan kórsetiletin úlken múmkindik dep bilem. Búgin sizder qalaǵan mamandyqtaryńyz boıynsha joǵary oqý ornynyń grantyna ıe bolyp otyrsyzdar. Ata-analaryńyz bolashaqtan zor úmit kútedi. Olardyń senimin aqtaýlaryńyzǵa tilekshimin», - dedi elordada sertıfıkat tapsyrǵan qala ákimi Altaı Kólginov.
Osy jyly Nur-Sultan qalasy ákimdigi janyndaǵy qurylǵan komıssııanyń sheshimi boıynsha bilim grantyn 49 mektep túlegi ıelendi. 2019 jyly olarǵa, sondaı-aq oqýyn jalǵastyratyn 138 stýdent úshin jergilikti bıýdjetten 70 mln teńge bólingen.
