Altaı Kólginov elordadaǵy koronavırýsqa qatysty ahýaldy aıtty
NUR-SULTAN. QazAqparat – Búgin Úkimet otyrysynda Nur-Sultan qalasynyń ákimi Altaı Kólginov elordadaǵy koronavırýsqa qatysty ahýal týraly esep berdi, dep habarlaıdy QazAqparat tilshisi.
«16 qańtardan bastap qala «qyzyl» aımaqqa kirdi. Reprodýktıvtilik ındeksi qazir 1.279-dy qurap otyr. Osyǵan oraı kelesi sharalar qabyldandy. Brinshiden, ınfektsııalyq statsıonarlarda 720 oryn ázirlendi. Ondaǵy júkteme 47 paıyzdy nemese 335 tósek-oryndy quraıdy. 121 reanımatsııalyq tósek-oryn daıyndalǵan. Onda 27 naýqas em alýda. 500 karantındik oryn ashyldy. Onda PTR anyqtamasy joq halyqaralyq áýe reısteriniń jolaýshylary ornalastyrylady. 6 qazannan bastap 8 800-den astam jolaýshy karantındik statsıonarǵa ornalastyryldy. Barlyǵy 62 oń nátıje anyqtaldy»,- dedi ol.
Ekinshiden, qala basshysynyń aıtýynsha, zerthanalar sany 23-ke deıin kóteıtildi. Olardyń jalpy qýattylyǵy táýligine 12 myńnan astam zertteý júrgizýge múmkindik beredi. Buǵan qosa, kópbeıindi aýrýhanalardyń qabyldaý bólimderine, statsıonarlardyń akýsherlik bloktarynda nátıjesi 1,5-2 saǵattyń ishinde daıyn bolatyn ızotermııalyq shaǵyn zerhanalar ashyldy. Testileý sany edáýir kóbeıtildi. 99 myńǵa deıin artty. Qyrkúıekte 56 myń bolǵan. Tıisinshe indettiń anyqtalýy shamamen 9 esege kóbeıdi. Aqparattardy keshendi jetkizýdiń nátıjesinde turǵyndar óz erikterimen jıi testileýge júginetin boldy.
«Úshinshiden, ambýlatorııalyq-zerthanalyq qyzmet jumysy kúsheıtildi. Úıge baryp, shaqyrtýlarǵa qyzmet kórsetý úshin 5 myń halyqqa 1 brıgada esebimen mobıldi brıgadalardyń jumysy uıymdastyryldy. Qala boıynsha 207 mobıldik brıgada jumys isteýde. Patsıentterdiń aǵymyn tıimdi bólý úshin ahýaldyq ortalyq jumys istep jatyr», - dedi elorda ákimi.
Tórtinshi, Altaı Kólginov quqyq qorǵaý organdarymen shekteý sharalaryn saqtaý boıynsha monıtorıng jalǵasyp jatqanyn aıtty. 9 mobıldi top jumys isteýde. Osy ýaqytqa deıin 9 myńnan astam nysan monıtorıngpen qamtyldy. Karantın rejımin júıeli túrde buzýshylarmen jumys kúsheıtildi. Ákimshilik jaýapkerilikke 1,5 myńǵa jýyq jeke jáne zańdy tulǵalar tartylyp, jalpy somasy 300 mln teńge aıyppul salyndy.
«Besinshi, statsıonarlar medıtsınalyq quraldarmen jáne qajetti dári-dármekpen tolyqtaı qamtylǵan. Qaladaǵy epıdemıologııalq jaǵdaıdy eskere otyryp, birqatar shekteý men karantındik sharalar qabyldandy. Olar dúısenbiden bastap kúshine endi», - dedi Nur-Sultan qalasynyń basshysy.
