Altaı Kólginov elordada koronavırýs juqtarǵandar sanynyń ósý sebebin aıtty
NUR-SULTAN. QazAqparat - Elorda ákimi Altaı Kólginov Instagram paraqshasynda qala turǵyndaryn sanıtarlyq normalardy saqtaýǵa, áleýmettik jáne azamattyq jaýapkershilik tanytýǵa shaqyrdy, dep habarlaıdy QazAqparat.
«Qurmetti elorda turǵyndary men qonaqtary! Qaladaǵy epıdemıologııalyq jaǵdaı áli de kúrdeli. Ótken táýlikte myńnan astam adamnan koronavırýs ınfektsııasy anyqtaldy. Dárigerlerdiń aıtýynsha naýqastardyń ósýine ótken demalys kúnderi aıryqsha áser etken. ıAǵnı qala turǵyndarynyń tabıǵat aıasynda saýyq quryp, sýǵa túsýi ınfektsııa juqtyrǵandardyń artýyna sebep bolǵan. Qala turǵyndaryn adam kóp jınalatyn oryndarǵa barmaýǵa shaqyramyn. Bóten adamdarmen, kópshilikpen qarym-qatynasyn, sol sııaqty qonaqqa barýyn toqtatýy qajet. Qazir áleýmettik jáne azamattyq jaýapkershilik tanytatyn ýaqyt. Bul ásirese bıznes nysandaryna da qatysty. Koronavırýstyń jańa túri – «Delta» shtammy (úndi dep te atalady) neǵurlym juqpaly, qysqa ınkýbatsııalyq kezeńde júretinin jáne aýyr kúıde ótetinin este ustaǵan jón», - dep jazdy ákim.
Sonymen qatar ákim ınfektsııa juqtyrǵandar sanynyń ósýin, onyń ishinde aýyr haldegi naýqastardy eskere otyryp, medıtsınalyq mekemelerdi birinen soń birin kovıdtik aýrýhanalarǵa aınaldyryp jatqanyn jetkizdi.
«Medıtsınalyq mekemelerde 100 vaktsınatsııa pýnkti jumys istep tur. Qala turǵyndaryna yńǵaıly bolý úshin birqatar saýda úıi men SOO-da vaktsınatsııa pýnktteri ashyldy.
Búgin vaktsınatsııa pýnktteriniń birine bardym. Vaktsına alý úshin barlyq jaǵdaı jasalǵan. Al eńbek ujymdaryn vaktsınatsııalaý úshin medıtsınalyq brıgadalar attanady.
Aldymyzda oqý jyly kele jatyr. Oqytýdyń burynǵy formatyna – oflaın rejımge oralý úshin ujymdyq ımmýnıtetti damytý qajet. Ujymdyq ımmýnıtet ózge de kásiporyndarǵa úzdiksiz jumys isteýge múmkindik beredi.
Qazirgi ýaqytta vaktsınanyń birinshi komponentin 300 myńnan astam qala turǵyny aldy.
Vaktsınatsııa — ózińizdiń densaýlyǵyńyzdy, sondaı-aq jaqyndaryńyz ben aınalańyzdaǵy adamdardyń densaýlyǵyn qorǵaýdyń jalǵyz ádisi. Ózińizdi jáne jaqyndaryńyzdy qorǵańyz!» — dep tolyqtyrdy elorda ákimi.
