Altaı Kólginov eldi mekenderdiń turǵyndarymen kezdesti
«Eldi mekenderdi turaqty aralaımyz. Demalys kúnderi Internatsıonalnyı, Mıchýrıno, Kúıgenjar eldi mekenderiniń turǵyndarymen kezdestim. Kezdesýde turǵyndar mańyzdy problemalardy qozǵady. Olardyń qatarynda sýmen jabdyqtaý, elektr energııasy, káriz, mektep, emhana qurylysy, balabaqshany jóndeý máseleleri bar. Sondaı-aq, joldar, jaryqtandyrý, abattandyrý, qoǵamdyq keńistikter qurý, ınternet, avtobýs marshrýttaryn iske qosý jáne t.b. máseleler boldy.
Kezdesýde qysqa merzimde qandaı máseleler sheshiletinin, sol sııaqty qandaı júıeli máselelerge ýaqyt qajet ekenin birden aıtamyz. Mysaly, áleýmettik nysandardy salýǵa kóp ýaqyt ketedi: ol úshin salynatyn oryndy tańdaý, ony daıyndaý, jobalaý, ary qaraı qurylystyń ózi jáne nysandy paıdalanýǵa berý.
Sýmen jabdyqtaý máselesin sheshý úshin ótken jyly sorǵy-súzgi stantsııasynyń (SSS) (Internatsıonalnyı, Almaty aýdany) qurylysyna kiristik. SSS-3-tiń birinshi kezegi bıyl kúzde iske qosylady dep josparlanyp otyr. Nysannyń tolyq aıaqtalýy – 2023 jyl. Sorǵy-súzý stantsııasy sýmen jabdyqtaýdyń qazirgi qýatyn arttyrýǵa, qurylystyń bolashaq aýdandaryn aýyz sýmen qamtamasyz etýge múmkindik beredi.
Sonymen qatar, bıyl Internatsıonalnyı, Mıchýrıno sııaqty eldi mekenderdiń káriz júıesine qatysty problemany retke keltiretin káriz sorǵy stantsııasynyń qurylysyn bastaımyz.
Turǵyndardyń ótinishin eskere otyryp, Internatsıonalnyı eldi mekeninde 54 jyl buryn salynǵan №44 orta mektep aýmaǵynda aldaǵy kóktemde jańa korpýs salýǵa kirisemiz. Konkýrs ótkizildi, merdiger anyqtaldy, qarajat bólindi. Oqý ornynyń jańa korpýsy taǵy 1200 oqýshy ornyn qurýǵa múmkindik beredi (2 aýysymda). Emhana boıynsha jobalaý jumystary júrgizilýde. Osy jumystar aıaqtalǵan soń bıyl emhana qurylysyn bastaýdy josparlap otyrmyz.
Sonymen qatar, turǵyndardyń ótinishi boıynsha jastar sportpen shuǵyldanýy úshin dene shynyqtyrý-saýyqtyrý keshenin jobalaýdy bastaımyz. Kezdesýde túsken suraqtar nazarymyzǵa alyndy. Aýdandar men eldi mekender turǵyndarymen turaqty kezdesip turamyz. Eldi mekenderdi damytý Memleket basshysynyń baqylaýynda», - dep jazdy elorda ákimi.
