Altaı Kólginov COVID-19 týraly: Elordada jaǵdaı turaqty, biraq bosańsýǵa bolmaıdy
NUR-SULTAN. QazAqparat – Nur-Sultan qalasynyń ákimi Altaı Kólginov qaladaǵy koronavırýs indetimen kúres jumysyna qatysty óz pikirin bildirdi, dep habarlaıdy QazAqparat tilshisi.
«Koronavırýs indeti etek jaıýyna baılanysty bar kúshimizdi densaýlyq saqtaý salasyna aýdaryp jatyrmyz. Ol úshin arnaıy ahýal ortalyǵyn qurdyq. Aıtalyq, aýrýǵa shaldyqqandardyń sany kúrt ósken jaǵdaıda qala boıynsha qaı aýrýhanada qansha oryn baryn anyqtap, shuǵyl sheshim qabyldaıtyn oryn. Sol sııaqty qosymsha ınfektsııalyq aýrýhana salyndy. Pandemııanyń alǵashqy tolqynynda qaladaǵy barlyq medıtsına mekemeleri tek qana KVI-ge qarsy kúresti. Qazirgi ýaqytta elordada jaǵdaı turaqty, biraq bosańsýǵa bolmaıdy», - dedi Altaı Kólginov Astana telearnasyna bergen suhbatynda.
Onyń aıtýynsha, qala boıynsha 18 medıtsınalyq nysan atalǵan indetpen kúresýge daıyn.
«Búginde elordada vaktsına salý protsesi óz deńgeıinde júrip jatyr. Biz muny quptaımyz. Eger jaǵdaı órshimesin desek vaktsına saldyrýdy jalǵastyrǵan jón. Sebebi damyǵan elderdiń barlyǵy vaktsınalaýdy qoldap otyr, búginde álem boıynsha vaktsına egýden Izraıl kósh bastap tur. Demek bul álemdik tájirıbe. Onyń ústine biz dárigerler 1 jylǵa jýyq ýaqyttyń ishinde indetpen kúreste ájeptáýir tájirıbe jınaqtady. Olar qala boıynsha myńdaǵan adamnyń ómirin ajaldan alyp qaldy, osy oraıda olardyń eńbegi zor», - dedi ol.
Buǵan deıin elorda ákimi qala turǵyndarynyń ıgiligi úshin jańa saıttyń iske qosylatynyn málim etti.
