Altaı Kólginov: Bárińizdi shuǵyl túrde ekpe alýǵa shaqyramyn
NUR-SULTAN. QazAqparat - Elorda ákimi Altaı Kólginov qala turǵyndaryna taǵy da úndeý jasady, dep habarlaıdy QazAqparat.
«Qala turǵyndary kún saıyn jolda, jumysta, týystarymen jáne t.b. adamdarmen aralasady. Ókinishke qaraı, bári birdeı qaýipsizdik sharalaryn saqtaı bermeıdi. Sanıtarlyq normalardy jáne ózin-ózi qorǵaýdyń qarapaıym tásilderin saqtamaý qaterge bas tigýmen teń. Mundaı jaǵdaıda adam ómiri men densaýlyǵyna qaýip tónedi. Bárińizdi shuǵyl túrde ekpe alýǵa shaqyramyn. Vaktsınatsııa ǵana sizdi jáne otbasyńyzdy reanımatsııadan, aýrýdan keıingi ońaltý kýrsynan, antıbıotıkter men ózge de aýyr dári-dármekter qabyldaýdan saqtaıdy», - dep jazdy ákim jelidegi paraqshasynda.
Sonymen qatar vaktsınatsııanyń mańyzyn elordadaǵy qurylys kompanııalarynyń ókilderimen de talqylaǵanyn jetkizdi.
«Bıyl jumys kóp. Qoljetimdi turǵyn úı qurylysynyń kólemi, oqý oryndardyń, áleýmettik nysandardyń qurylysy jáne t.b. artpaq. Alaıda ujymdyq ımmýnıtet qalyptaspasa, qurylys jumystary toqtatylady. Vaktsınatsııa arqyly ǵana ujymdyq ımmýnıtetti damyta alamyz», - dep tolyqtyrdy A. Kólginov.
