Altaı Kólginov avtobýstardy kútý ıntervalyn azaıtýdy júktedi
NUR-SULTAN. QazAqparat – Nur-Sultan qalasynyń ákimi Altaı Kólginov suranysy joǵary baǵyttarǵa qosymsha avtobýstar shyǵarýdy júktedi, dep habarlaıdy QazAqparat.
«Oqý jylynyń bastalýyna jáne eńbek demalysy maýsymynyń aıaqtalýyna baılanysty joldarda trafık artyp otyr. Osy rette, óz baǵyttaryńyzdy aldyn ala josparlaýdy suraımyz. Kólik basqarmasyna turǵyndar arasynda asa suranysqa ıe baǵyttarǵa qosymsha avtobýstar shyǵarýǵa, sondaı-aq qoǵamdyq kóliktiń jelige barynsha tolyq shyǵýyn jáne kútý araqashyqtyǵyn azaıtýdy tapsyrdym», - dep jazdy qala ákimi Twitter-de.
