Altaı Kólginov Atyraý oblysyndaǵy sapar ortalyǵynyń qurylysymen tanysty
Jaqynda «Saraıshyq» tarıhı-mádenı murajaı-qoryǵynyń aýmaǵynda jańa keshen ashylady. Onyń quramyna ekspozıtsııalyq kórme zaldary, qor qoımasy, konferents-zal, sondaı-aq zerthanalyq jáne restavratsııalyq bólmeler, elektrondy derekter bazasy bar kitaphana kiredi. Ortalyqta dáris ótkizýge arnalǵan alańdar, ashyq aspan astyndaǵy mýzeı jáne etnoaýyl ornalasqan.
«Saraıshyq» tarıhı-mádenı murajaı-qoryǵynyń dırektory Ábilseıit Muhtardyń aıtýynsha, qazaq dalasyndaǵy eń kóne tarıhı oryndardyń biri, ári iri saýda qalasy Saraıshyq 1580 jyly qıraǵan. Budan 300 jyl buryn bul qala Uly Jibek joly ortalyqtarynyń biri bolǵan.
«Qazaqstanda elimizdiń ótkeninen syr shertetin kıeli, tarıhı oryndar kóp. Sondaı oryndarǵa bizdiń otandastarymyz ǵana emes, sheteldik týrıster de úlken qyzyǵýshylyq tanytyp otyr. Alaıda, kóbinese tarıhı jáne arheologııalyq eskertkishter ornalasqan aýmaqta týrıstik ınfraqurylym bolmady. Al, kóne Saraıshyq aýmaǵynda ashylatyn bul sapar ortalyǵy elimizdiń baı mádenı jáne tarıhı murasyna nazar aýdartady, týrızmdi jandandyrady», -dep atap ótti Altaı Kólginov.
Eske sala ketelik, buǵan deıinAtyraýdaǵy «Saraıshyq» sapar ortalyǵynda Qasym hannyń beınesi alǵash ret kórsetiletinin habarlaǵan bolatynbyz.
Atyraý oblystyq qurylys basqarmasynyń basshysy Nurbergen Qusaıynovtyń aıtýynsha, bul jobany júzege asyrý byltyr bastalyp, jyl sońyna deıin aıaqtaý kózdelgen. Onyń qurylysyna 780 mln teńge bólingen.