Altaı Kólginov «Astana-Arena» kesheniniń jaǵdaıy týraly pikir bildirdi
ASTANA. QazAqparat – QR Premer-Mınıstriniń orynbasary Altaı Kólginov «Astana-Arena kesheniniń jaǵdaıy týraly pikir bildirdi, - dep habarlaıdy QazAqparat tilshisi.
«Astana Arena» kesheni problemadan arylmaı keledi. Birese tóbesinen sý aǵady, birese jóndeý durys bolmaıdy. Eks-ákim retinde sizdiń oıyńyz qandaı?», - dep surady BAQ ókili Úkimet otyrysynan keıin.
Altaı Kólginovtiń paıymynsha, nysannyń qazirgi ahýalyn tolyq zertteý qajet.
«Astana Arena» kesheni týraly aıtsaq, ony únemi kútip ustap otyrý kerek. Kez-kelgen nysannyń jaǵdaıy qalaı kútip ustalǵanyna baılanysty. Kútip ustaýy jaman bolsa, árıne, jaǵdaıy da nashar bolady. «Astana Arena» - iri jarystar ótetin úlken nysan. Ony áýeli zertteý kerek. Problemalar boldy, esińizde shyǵar. Sondyqtan tyńǵylyqty jumys istep, ony jóndeý kerek», - deıdi vıtse-Premer.
