«Altaı» klýby voleıboldan Qazaqstan kýbogyn jeńip aldy
ASTANA. QazAqparat - Óskemendegi «Jekpe-jek» saraıynda voleıboldan áıelder arasyndaǵy Qazaqstan kýbogy dodasy márege jetti, dep habarlaıdy QazAqparat tilshisi.
QR Ulttyq olımpıadalyq komıtetiniń baspasóz qyzmetiniń habarlaýynsha, fınaldyq kezdesýde óskemendik «Altaı» men Almaty oblysynyń namysyn qorǵaǵan «Jetisý» klýby kim myqtyny anyqtady.
Asa tartysty ótken kezdesý nátıjesinde 3:1 (25-19; 25-17; 23-25; 25-22) esebimen «Altaı» klýby jeńiske jetti.
Kýboktyq dodanyń qola júldesi «Ertis-Qazhrom» komandasyna buıyrdy.
«Fınaldyq kezdesý asa tartysty ótti. Qarsylastarymyz osal emes. Biraq tájirıbe men bir-birimizge degen senimniń arqasynda biz jeńiske jettik. Maýsymdy jeńispen aıaqtaǵanymyzǵa qýanyshtymyn», - deıdi «Altaı» oıynshysy Sana Anarqulova.
Foto: www.olympic.kz
