Altaı qalasynda órt kezinde 6 adam evakýatsııalandy
Ekinshi qabatta ornalasqan páterde zal bólmesinde jeke zattar, jıhazdar, tóbeniń aǵash konstrýktsııalary janyp ketti. Kelgen órt sóndirýshiler bólimsheleri tútinnen qorǵaý qyzmetiniń býynyn qurdy, olar tútin úı-jaıyna enip, 6 adamdy, onyń ishinde 2 balany evakýatsııalady.
«Órt 9 sharshy metr alańda sóndirildi. Barlyǵy 3 tehnıka jáne jeke quramnan 7 adam jumyldyryldy. Órttiń aldyn-ala sebebi - mas kúıinde temeki shegý kezindegi abaısyzdyq», - dep málimdegen ShQO TJD azamattardan órt qaýipsizdigi erejelerin qatań saqtaýdy suraıdy.
Tutanyp turǵan papırostyń maksımaldy temperatýrasy 300-420° aralyǵynda, janý uzaqtyǵy - 4-8 mınýt. Temeki jarty saǵat boıy byqsýy múmkin, sol kezdegi onyń temperatýrasy 310-320° quraıdy. Odan keıin ol sónedi, biraq buǵan deıin ol túsken materıaldyń tutanyp ketýine sebepshi bolýy múmkin. 1-4 saǵat ishinde jańa janý oshaǵy (materıaldyń qasıetterine jáne jylý berý jaǵdaılaryna baılanysty) órtke aınalýy múmkin.
Mynalardy umytpańyz:
– tósekte temeki shegý nemese kresloda otyrý, ásirese mas kúıinde, bul jaǵdaıda uıyqtap ketý óte ońaı. Eger siz temekini ýaqytynda sóndirmeseńiz, odan kıim nemese jıhaz órtenýi múmkin.
- tipti sóndirilgen temekini de qaǵazdar men basqa da janǵysh qaldyqtary bar qoqys jáshikterine tastamańyz, ol órtenip ketýi múmkin.
- qaǵaz dińgekterin nemese sirińke qoraptaryn kúl salǵysh retinde qoldanýǵa bolmaıdy