Altaı qalasyn qandala basty
ÓSKEMEN. QazAqparat – Qazan aıynyń jyly kelýi jándikterdiń kóbeıýine jaıly boldy, dep habarlaıdy QazAqparat YK-news.kz-ke silteme jasap.
Jándikterden mezi bolǵan Altaı turǵyndary qandalanyń kóbeıip ketkenin aıtyp shaǵymdanýda. Jándikter turǵyn úılerdi de basqan. Tipti terezeni qalqalaǵan tor da qandalanyń úıge kirýine kedergi bolmaı tur.
Mamandardyń aıtýynsha, býnaqdenelilerdiń kóbeıýine kúnniń jyly ári ylǵaldy bolýy yqpal etken.
Burynǵy sanepıdemstantsııa, juqpaly aýrý taratpaıtyn bolǵandyqtan, qandalany joıýmen aınalysyp otyrǵan joq.
Jekelegen turǵyndar dezınfektsııa zerthanasyna júginýde.
Epıdemıologtardyń aıtýynsha, tek úı ishindegi qandalany ǵana ýlap óltirýge bolatyn kórinedi.
Mamandar qandalanyń tek ósimdikpen qorektenetinin, adam densaýlyǵyna múlde zııany joq ekenin aıtady.
