«Altaı» - fýtboldan Ekinshi lıganyń jeńimpazy
ASTANA. QazAqparat - Ekinshi lıga komandalary arasyndaǵy el birinshiligi óz máresine jetti. Dop dodasyna barlyǵy 16 komanda qatysyp, shyǵysqazaqstandyq «Altaı» quramasy jeńimpaz atandy, dep habarlaıdy ShQO Dene shynyqtyrý jáne sport basqarmasynyń baspasóz qyzmeti.
«Altaı» barlyǵy 30 oıyn ótkizip, onyń ishinde 15 matchty óz alańynda, qalǵan 15 oıyndy syrt alańda oınady. Alǵashqy 3 oıyn Óskemendegi «Vostok» alańynda ótse, keıin Semeıge baryp «Spartak» alańynda kezekti oıyndar jalǵasyn tapty. «Altaıdan» keıin tuǵyr satysyna almatylyq «Qaırat» komandasy jáne Ekinshi lıganyń qola júldegerleri shymkenttik «SDıÝShOR №7» ujymy jaıǵasty.
30 oıynda «altaılyqtar» 22 oıynda jeńiske jetti, 5 oıynda teń tússe, tek 3 oıynda ǵana jeńilistiń aşy dámin tatty. «Rýzaevka» komandasyn (1:0), esebimen utqannan keıin, jeńimpaz jáne júldeger komandalardy saltanatty túrde marapattaý rásimi ótti. «Altaı» quramasynyń kapıtany Evgenııý Kostrýbke chempıondyq tondo berildi jáne komanda oıynshylaryna medaldar tabys etildi.
«Altaı» komandasy myna oıynshylarmen óner kórsetti: Nurjaryq Kýnov, Salman Habaev, Sheıhıslam Qulahmetov, Denıs Şetkın, Evgenıı Nohrın, Qýanysh Sovetov, Baýyrjan Táńirbergenov, Dáýren Qaıqybasov, Nıkolaı Zabrodın, Anýar Saparǵalıev, Islambek Asan, Oleg Ovchınnıkov, Amanbol Alıev, Serikjan Júrsinbekov, Rýslan Haırov, Alekseı Maltsev, Rýslan Mýsın, Arman Nýsıp, Edýard Tromenshleger, Sergeı Shevtsov, Evgenıı Kostrýb.
Aıta keteıik, shyǵysqazaqstandyq quramanyń dırektory qyzmetin Ashat Aqylbekov atqaryp júr.
«Altaı» komandasy kelesi maýsymda QR Birinshi lıgasynda oınaıtyn bolady.
