«Altaı» fýtbol komandasyn Vahıd Masýdov jattyqtyrady

ASTANA. KAZINFORM – «Altaı Óskemen» fýtbol klýbynyń bas bapkeri bolyp el fýtbolynyń ardageri, Qazaqstan quramasynyń burynǵy jattyqtyrýshysy, KSRO sport sheberi - Vahıd Masýdov taǵaıyndaldy. Bul týraly óskemendik klýbtyń baspasóz qyzmeti habarlady. 

«Bapkerlik mansabyn 1996 jyly «Qaırat» fýtbol klýbynda bastaǵan. Odan keıin qazaqstandyq maman «Taraz», «Atyraý», «Aqtóbe», «Ordabasy», «Maqtaral» komandalaryn jáne 19 jasqa deıingi Qazaqstan jasóspirimder quramasyn jattyqtyrǵan. Sondaı-aq Masýdov Super bol jobasynda qyzmet etti», - delingen habarlamada. 

Jattyqtyrýshylar quramyna jergilikti mamandar, jattyqtyrýshynyń kómekshisi – Vıacheslav Aleksandrovıch Zınıýkov, dene shynyqtyrý jattyqtyrýshysy – Egor Sergeevıch Skýlkın, qaqpashylar jattyqtyrýshysy – Ilıa Evgenevıch Baıterıakov kirdi. 

Eske salsaq, buǵan deıin «Ertis» fýtbol klýbyna jańa bas bapker taǵaıyndalǵanyn habarlaǵan edik.