Altaı dambysy jarylǵaly turǵany týraly aqparat jalǵan bolyp shyqty
ÓSKEMEN. QazAqparat - Tús aýa Shyǵys Qazaqstannyń Glýbokoe aýdanynda Altaı sý bógetiniń dambysy jarylǵaly turǵany týraly aqparat taraǵan bolatyn. Oblystyq tótenshe jaǵdaılar departamenti atalmysh habarlamanyń negizsiz ekenin málimdedi, dep hbaralaıdy QazAqparat tilshisi.
«Wats App» messendjeri arqyly taraǵan aýdıo habarlamada Glýbokoe aýdanynyń Predgornoe aýyly turǵyndaryna Altaı dambysynyń sý qysymynan bir saǵat ishinde jarylatyny týraly aıtylǵan. Jazbada áıel adam turǵyndardy qujattary men eń qajet degen zattaryn jınap, úılerin tastap shyǵýǵa shaqyrǵan.
Іzinshe tótenshe jaǵdaılar departamenti men «Shyǵys sý» mekemesiniń mamandary atalmysh bóget ornalasqan Altaı kentine baryp, jaǵdaıdy teksergen bolatyn.
«Jaǵdaı turaqty. Sý bógettiń erneýine jetpegen. Áli de oryn bar. Onyń ústine bógettiń sýaǵary aqaýsyz jumys istep tur», - deıdi tótenshe jaǵdaı departentiniń baspasóz qyzmeti.
Atalmysh habarlamanyń mán-jaıyn quqyq qorǵaý oryndary anyqtaıtyn bolady. Tótenshe jaǵdaılar departamenti osyǵan uqsas jalǵan habarlamalardy qasaqana messendjerler arqyly taratý zańmen qýdalanatynyn eskertedi.
