Altaı aýdanynda búldirshinder balabaqshamen tolyqtaı qamtylǵan – ShQO
Altaı aýdandyq bilim bóliminiń málimetine súıensek, 3 jastan asqan balalardyń mektepke deıingi mekememen qamtylýy 100 paıyzdy qurap otyr. Al úshke deıingi búldirshinderdiń qamtylý deńgeıi – 98 paıyz. Barlyq mektepter men balabaqshalarda karantın talaptary qatań saqtalýda.
«Osy oqý jylynyń basynda kópbalaly jáne az qamtylǵan 866 otbasynyń balalaryna mektep formasy men aıaq kıim tegin berildi. Altaı men Serebrıansk qalalaryndaǵy atalǵan sanattaǵy 194 bala qoǵamdyq kólikterde esh aqysyz tasylmaldanýda. Sondaı-aq mektepterge 2 jańa avtobýs satyp alynǵan», - dedi bólimi basshysy B.Kanafına.
Onyń aıtýynsha, talapty oqýshylardy anyqtaý maqsatynda aýdan mektepteriniń shákirtteri únemi aýdandyq, oblystyq saıystarǵa qatysyp turady. Eki toqsanda 196 bala túrli saıysqa qatysqan. Onyń ishinde 43-i júldeli oryn aldy.
Oqý jylynyń birinshi jartyjyldyǵynda 135 pedagog biliktilik arttyrý kýrstaryn ótti.