Altaı aýdanyna jańa ákim taǵaıyndaldy
ÓSKEMEN. KAZINFORM – Shyǵys Qazaqstan oblysy Altaı aýdanynyń ákimi bolyp Erkin Turarov taǵaıyndaldy.
Ol 1986 jyldyń 1 shildesinde Shyǵys Qazaqstan oblysy Ulan aýdany Asýbulaq aýylynda dúnıege kelgen.
2008 jyly D. Serikbaev atyndaǵy Shyǵys Qazaqstan memlekettik tehnıkalyq ýnıversıtetin «Sáýlet óneri» mamandyǵy boıynsha, 2020 jyly Qazaqstan-Amerıkandyq erkin ýnıversıtetin «Ekonomıka» mamandyǵy boıynsha, 2025 jyly Halyqaralyq kólik-gýmanıtarlyq ýnıversıtetin «Kólik qurylysy» mamandyǵy boıynsha támamdaǵan.
Jalpy eńbek ótili – 18 jyl, onyń ishinde memlekettik qyzmettegi ótili 15 jyldy quraıdy.
Eńbek jolyn «Promstroı» JShS jobalaý tobynda sáýletshi taǵylymdamashy bolyp bastady. Óskemen qalasynyń qurylys bóliminde qyzmettik satynyń barlyq deńgeıinen ótti. Sondaı-aq «KazInvestStroy» JShS-ny basqardy.
2017-2022 jyldary Óskemen qalasynyń turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi basshysynyń orynbasary, bólim basshysy laýazymdaryn atqardy.
2022-2024 jyldary Óskemen qalasynyń jer qatynastary, sáýlet jáne qala qurylysy bóliminiń basshysy bolyp jumys istedi. 2024 jyldan osy ýaqytqa deıin ShQO memlekettik sáýlet-qurylys baqylaý basqarmasyn basqardy.
Endi búginnen bastap Altaı aýdanynyń ákimi laýazymyn atqarady.
Aıta keteıik, buǵan deıin Altaı aýdanynyń ákimi qyzmetin Renat Qurmambaev atqarǵan. Jýyrda ol Shyǵys Qazaqstan oblysy ákiminiń orynbasary bolyp taǵaıyndalyp, aýyl sharýashylyǵy, veterınarııa, jer qatynastary jáne tabıǵatty paıdalaný máselelerine jetekshilik etetini habarlanǵan.
