Altaı Áli Jambyl oblysy ákiminiń jańa orynbasary boldy
ASTANA. KAZINFORM — QR Prezıdenti Ákimshiliginiń kelisimi jáne Jambyl oblysy ákiminiń ókimine sáıkes Altaı Sembekuly Áli Jambyl oblysy ákiminiń orynbasary laýazymyna taǵaıyndaldy, dep habarlaıdy oblys ákimdiginiń baspasóz qyzmeti.
Ol budan bylaı qurylys jáne turǵyn úı-kommýnaldyq sharýashylyq salasyna jaýapty bolady.
Altaı Sembekuly 1985 jyly Jambyl oblysy Sarysý aýdanynda dúnıege kelgen. Bilimi joǵary. Abaı atyndaǵy Qazaq ulttyq pedagogıkalyq ýnıversıtetin bitirgen.
Eńbek jolyn 2005 jyly «Rahat» Qazaq-Avstrııa birlesken kásiporny AQ-da baılanys ortalyǵynyń qyzmetkeri bolyp bastaǵan. Ár jyldary «Damý» kásipkerlikti damytý qory» AQ sýbsıdııalaý departamentiniń menedjeri, Astana qalalyq sotynyń bas mamany, QR Premer-Mınıstri Keńsesiniń qurylymynda jumys istedi.
Sonymen birge Shymkent qalasy ákiminiń apparat basshysy, kómekshisi, Shymkent qalasy ákimi apparaty basshysynyń orynbasary — hatshylyq meńgerýshisi, Shymkent qalasy Energetıka jáne kommýnaldyq sharýashylyq basqarmasynyń basshysy, QR Indýstrııa jáne ınfraqurylymdyq damý mınıstrligi Kólik komıteti tóraǵasynyń orynbasary, tóraǵasy qyzmetterin atqardy.
2023 jyldyń qarasha aıynan bastap búgingi kúnge deıin QR Kólik mınıstrligi Avtomobıl kóligi jáne kólik baqylaý komıtetiniń tóraǵasy laýazymynda eńbek etip keldi.
Osyǵan deıin Almaty oblysy ákiminiń orynbasary taǵaıyndalǵanyn jazǵanbyz.