«Altaı Alpisindegi» órt taý shańǵysy maýsymyna kedergi keltirmeıdi - Aleksandr Chılıkın
ÓSKEMEN. QazAqparat - «QazAqparat» HAA tańerteń habarlaǵandaı, búgin túnde oryn alǵan «Altaı Alpisi» demalys bazasynyń bes ǵımaratynyń birindegi órt 26 qarashaǵa josparlanǵan taý shańǵysy maýsymynyń ashylýyna kedergi keltirmeıdi. Bul týraly Taý shańǵysy bazasynyń basshysy Aleksandr Chılıkın tilshige bergen suhbatynda habarlady.
Onyń aıtýynsha, órtengen qonalqy úıde 10 nómir bolǵan. A.Chılıkın taý shańǵysy bazasyndaǵy basqa oryndar - dámhana, arqan joldar, tórt ǵımarat nómirlerimen zaqymdanbaǵanyn atap ótti. Sondaı-aq, ol qysqy sport túriniń áýesqoılary úshin jańa taý shańǵysy maýsymynyń erekshe qyzyq bolatynyn - maýsymda snoýbord boıynsha halyqaralyq deńgeıdegi arnaıy nusqaýshylar qatysatynyn málimdedi.
Bul rette, TJ departamentiniń habarlaýynsha, qazir 200 sharshy metr aýmaqty sharpyǵan órttiń shyǵý sebepteri men oǵan kinálilier izdestirilýde. 
