«Altaıstıka, Túrkologııa, Mońǵolıstıka qaýymdastyǵy» quryldy
Aıta ketsek, Astanada búgin Halyqaralyq Túrki akademııasy (TWESCO) uıymdastyrǵan «Uly Dala» ІІІ Gýmanıtarlyq ǵylymdar forýmy ótip jatyr. Bıylǵy forým «Uly Dala» ІІІ Astananyń 20 jyldyǵyna, sonymen qatar aqyn Maǵjan Jumabaevtyń 125, jazýshy Shyńǵys Aıtmatovtyń 90, Ázerbaıjan Halyq respýblıkasynyń 100, Tomsenniń Túrki jazýyn oqýynyń 125 jyldyǵyna arnalyp otyr.
Forýmnyń ashylýy saltanatyna QR Memlekettik hatshysy Gúlshara Ábdiqalyqova jáne ıÝNESKO, ISESKO, ESO Science Foundation, Túrki Keńesi, TúrkPA syndy halyqaralyq uıym basshylary qatysty. Sondaı-aq, qatysýshylardyń arasynda dıplomattar, memleket jáne qoǵam qaıratkerleri, irgeli zertteý oralyqtarynyń basshylary da bar. Túrkııa, Ázerbaıjan, Qyrǵyzstan, Reseı, Germanııa, Ózbekstan jáne ózge elderdiń belgili túrkolog ǵalymdary elordada bas qosyp, túrki álemine ózekti taqyryptardy talqylamaq.
Forýmnyń saltanatty ashylýynyń sońyna qaraı túrki álemi ǵylymynyń damýyna úles qosyp júrgen birqatar elderdiń ǵalymdary altyn medalmen marapattaldy. Halyqaralyq Túrki akademııasy túrki dúnıesiniń bilim men ǵylymynyń damýyna, sonymen qatar yntymaqtastyqty nyǵaıtýǵa zor úles qosqan tanymal tulǵalarǵa altyn medal tabystap, qurmet kórsetip otyr.
Forýmnyń marapattaý rásiminen keıin «Altaıstıka, Túrkologııa, Mońǵolıstıka qaýymdastyǵyn» qurý týraly sheshimge qol qoıyldy. Atalmysh sheshimge Mońǵolııa Ǵylym akademııasynyń prezıdenti Regdel Dúgerın, Reseı Ǵylymdar akademııasy Til bilimi ınstıtýtynyń aǵa ǵylym qyzmetkeri Oleg Mýdrak, Túrik til qurymynyń tóraǵasy Mustafa Kachalın men Halyqaralyq Túrki akademııasynyń prezıdenti Darhan Qydyráli qol qoıdy.
«Qaýymdastyqtyń jylyna tórt ret shyǵatyn jýrnaly bolady. Sonymen qatar, osy serııa boıynsha arnaıy kitaptar shyǵaramyz. Altaıstıka, Túrkologııa, Mońǵolıstıka boıynsha serııalardy shyǵara bastaımyz. Qutty bolsyn», - dedi óz sózinde Darhan Qydyráli.
