Álisher Ábdiqadyrov Alatau City Authority memlekettik qoryn basqardy
ASTANA. KAZINFORM — Alatau City Authority memlekettik qorynyń bas atqarýshy dırektory (CEO) bolyp Álisher Ábdiqadyrov taǵaıyndaldy, dep habarlaıdy Kazinform tilshisi.
Álisher Ábdiqadyrov memlekettik basqarý, ekonomıkalyq damý jáne ınvestıtsııalyq saıasat salasynda 15 jyldan astam tájirıbesi bar. Ár jyldary Investıtsııalar komıteti tóraǵasynyń orynbasary, Astana qalasynyń ınvestıtsııalar jáne kásipkerlikti damytý basqarmasynyń basshysy, Qaraǵandy oblysy ákiminiń orynbasary, Ulttyq ekonomıka vıtse-mınıstri, Almaty qalasy ákiminiń orynbasary qyzmetterin atqarǵan.
Alatau City Authority — Qazaqstannyń 2025 jyly «ilgerileı damıtyn qala» degen arnaıy mártebe alǵan aýqymdy ári strategııalyq mańyzdy ýrbanıstıkalyq jobasy — Alataý qalasyn basqarýdyń jáne damytýdyń keshendi modelin iske asyrý úshin qurylǵan memlekettik qor.
Qordyń mindetterine qala qurylysy jáne ınvestıtsııalyq jobalardy úılestirý, jeke jáne halyqaralyq ınvestorlardy tartý, qalalyq keńistikti basqarýdyń ozyq halyqaralyq tájirıbesin jáne tehnologııalyq standarttardy engizý, sondaı-aq qalanyń arnaıy quqyqtyq mártebesi aıasynda onyń jumysyn qamtamasyz etý kiredi.
Qor ınfraqurylymdy josparlaý men jańǵyrtýǵa, qala qurylysy jáne ınvestıtsııalyq qyzmetti damytýǵa jaýapty. Ol Alataýdy «bolashaq qalasy» retinde ornyqty ári ınnovatsııalyq damytýǵa berik ınstıtýtsıonaldyq negiz qalaý maqsatynda qurylǵan.
Budan buryn Aıda Balaeva Premer-mınıstrdiń orynbasary – Mádenıet jáne aqparat mınıstri laýazymyna taǵaıyndalǵanyn jazǵan edik.